விஜய் நடிப்பில் அட்லி இயக்கி வரும் 'விஜய் 63' படத்தை தயாரித்து வரும் அர்ச்சனா கல்பாதியிடம் இந்த படத்தின் அப்டேட்டை கேட்டு கேட்டு ரசிகர்கள் வெறுத்து போய்விட்டனர். இந்த படத்தின் படப்பிடிப்பு தொடங்கி ஐந்து மாதங்கள் ஆகியும் தயாரிப்பாளர் என்ற முறையில் அவரிடம் இருந்து எந்தவிதமான அப்டேட்டும் வராததால் விஜய் ரசிகர்கள் கடுப்பாகினர். நேற்று கொந்தளித்து எழுந்த விஜய் ரசிகர்கள் அர்ச்சனாவை அப்டேட் தரமுடியுமா? முடியாதா? என செல்லமாக மிரட்ட தொடங்கிவிட்டனர்
வில்லு படத்திற்கு பின் விஜய் ஜோடியாக மீண்டும் நயன்தாரா நடித்து வரும் இந்த படத்தில் ஜாக்கி ஷெராஃப், யோகிபாபு, கதிர், விவேக், டேனியல் பாலாஜி, ஆனந்த்ராஜ், இந்துஜா உள்ளிட்ட பலர் நடித்து வருகின்றனர். இசைப்புயல் ஏ.ஆர்.ரஹ்மான் இசையில் விஷ்ணு ஒளிப்பதிவில் ரூபன் படத்தொகுப்பில் உருவாகி வரும் இந்த படம் இந்த ஆண்டு தீபாவளி விருந்தாக திரைக்கு வெளிவரவுள்ளது.
