சூர்யாவின் சூரரைப் போற்று திரைப்படத்துக்குப் பிறகு அவர் வெற்றி மாறன் இயக்கத்தில் தாணு தயாரிப்பில் வாடிவாசல் படத்தில் நடிப்பார் என சொல்லப்பட்டது. ஆனால் அந்த படத்துக்கான பணிகள் இப்போது தாமதம் ஆகி வருகின்றன. அதனால் சூர்யா தனது அடுத்தடுத்த படங்களில் கவனம் செலுத்தி வருகிறார். இப்போது பாலா இயக்கும் படம் மற்றும் சிறுத்தை சிவா இயக்கும் படம் ஆகியவற்றில் சுர்யா கவனம் செலுத்தி வருகிறார். வெற்றிமாறனும் சூரி, விஜய் சேதுபதி நடிக்கும் விடுதலை படத்தில் கவனம் செலுத்தி வருகிறார்.
இந்த படத்தை முடித்ததும் வாடிவாசல் படம் இந்த ஆண்டு இறுதியில் தொடங்க உள்ளதாக தகவல்கள் வெளியாகியுள்ளன. வாடிவாசல் படத்தை முடித்ததும் வெற்றிமாறன் தனது அடுத்த படத்தில் விஜய்யை இயக்க உள்ளதாக சொல்லப்படுகிறது. ஏற்கனவே விஜய்யை சந்தித்து இருவரும் இணையும் படம் குறித்து வெற்றிமாறன் பேசி உள்ளதாக தகவல்கள் வெளியாகியது குறிப்பிடத்தக்கது.
