தமிழ் சினிமாவின் நகைச்சுவை மற்றும் குணச்சித்திர நடிகரான டெல்லி கணேஷ், டப்பிங் கலைஞராகவும் விளங்கி உள்ளார் என்பது குறிப்பிடத்தக்கது. தூத்துக்குடியில் பிறந்த இவர் தமிழ், தெலுங்கு, கன்னடம், மலையாளம் உள்ளிட்ட தென்னிந்திய மொழிகளில் நகைச்சுவை மற்றும் குணச்சித்திர கேரக்டரில் நடித்திருக்கிறார்.
1976 ஆம் ஆண்டு திரையுலகிற்கு வருவதற்கு முன்பு, இந்திய விமானப்படையில் அவர் பணியாற்றியுள்ளார் என்பது குறிப்பிடத்தக்கது. ‘பட்டினப் பிரவேசம்’ என்ற திரைப்படத்தின் மூலம் நடிகராக அறிமுகமான டெல்லி கணேஷை கே. பாலச்சந்தர் அறிமுகம் செய்தார். பெரும்பாலும் நகைச்சுவை மற்றும் குணச்சித்திரக் கேரக்டரில் நடித்திருந்தார் என்பதும், ‘அபூர்வ சகோதரர்கள்’ என்ற படத்தில் அவர் வில்லனாக நடித்திருந்தார் என்பது குறிப்பிடத்தக்கது.
சமீபத்தில் வெளியான ‘இந்தியன் 2’ உள்பட 400க்கும் மேற்பட்ட படங்களில் அவர் நடித்துள்ளார். மேலும், அவருக்கு தமிழ்நாடு அரசின் சிறந்த நடிகர் விருது மற்றும் தமிழ்நாடு அரசின் கலைமாமணி விருதும் வழங்கப்பட்டுள்ளது என்பது குறிப்பிடத்தக்கது.
