விஜய், தற்போது இயக்குனர் வெங்கட் பிரபு இயக்கத்தில் The Greatest Of All Time என்ற படத்தில் நடித்து வருகிறார். இந்த படத்தில் அவரோடு பிரசாந்த், பிரபுதேவா, மீனாட்சி சௌத்ரி, ஜெயராம் மற்றும் மோகன் ஆகியோர் நடிக்கின்றனர். யுவன் ஷங்கர் ராஜா இசையமைக்க, சித்தார்த்தா நுனி ஒளிப்பதிவு செய்து வருகிறார். படத்தை ஏஜிஎஸ் நிறுவனம் தயாரித்து வருகிறது.
ஆனால் ஆகஸ்ட்டில் இந்த படம் ரிலீஸானால் வெளிநாடுகளில் ரிலீஸ் செய்வதில் ஒரு சிக்கல் உள்ளதாம். ஐரோப்பிய நாடுகளில் அந்த நேரம் விடுமுறை காரணமாக அங்கு வாழும் தமிழர்கள் சொந்த ஊருக்கு திரும்பிவிடுவார்களாம். அதனால் அந்த நேரத்தில் படத்தை ரிலீஸ் செய்தால் பெரியளவில் ரசிகர்கள் கூட்டம் தியேட்டருக்குள் வராது என சொல்லப்படுகிறது. இதனால் GOAT திரைப்படம் தீபாவளிக்கு தள்ளி போக வாய்ப்புள்ளதாக சொல்லப்படுகிறது.
