யு சான்றிதழுடன் வெள்ளிக்கிழமை வெளியாகிறது அச்சம் என்பது மடமையடா

இளைஞர்கள் ஆவலுடன் எதிர்பார்த்திருந்த அச்சம் என்பது மடமையடா ஒருவழியாக வரும் வெள்ளிக்கிழமை 11 -ஆம் தேதி வெளியாகிறது.

சிம்பு, மஞ்சிமா மோகன் நடிப்பில் கௌதம் இயக்கியிருக்கும் இந்தப் படத்துக்கு ரஹ்மான் இசையமைத்துள்ளார். ரஹ்மான் - தாமரை கூட்டணியில் உருவாகியிருக்கும் பாடல்கள் இளைஞர்கள் மத்தியில் ஏற்கனவே பிரபலமடைந்துள்ளது. பாரதிதாசனின் அவளும் நானும் பாடலும் ஹிட்டாகியுள்ளது.

பலமுறை தள்ளிப் போன இப்படம் சமீபத்தில் சென்சாருக்கு திரையிட்டு காண்பிக்கப்பட்டது. சென்சார் படத்துக்கு யு சான்றிதழ் வழங்கியது. அதனைத் தொடர்ந்து வரும் வெள்ளிக்கிழமை 11 -ஆம் தேதி படத்தை வெளியிடுகின்றனர்.

இது அதிகாரப்பூர்வமாக உறுதி செய்யப்பட்டுள்ளது.