பா.இரஞ்சித் இயக்கத்தில் ரஜினி நடித்துவரும் படம் ‘காலா’. இந்தப் படத்தின் கதைக்களம் மும்பை, டானாக நடிக்கிறார் ரஜினி என்று சொன்னதுமே, இது ‘பாட்ஷா’ படத்தின் இரண்டாம் பாகம் என்று தகவல் வெளியானது. ஆனால், படக்குழுவினர் அதை மறுத்தனர்.
இந்நிலையில், பாலிவுட் நடிகையான ஹுமா குரேஷி, ஜரீனா என்ற இஸ்லாமியப் பெண் கேரக்டரில் நடிப்பதாக ட்விட்டரில் குறிப்பிட்டிருந்தார். அவர், ரஜினிக்கு ஜோடியாக நடிக்கவில்லை என்பது தெரியவந்துள்ளது. ஈஸ்வரி ராவ் தான், ரஜினியின் மனைவியாக நடிக்கிறாராம். ஹுமா குரேஷி, ரஜினிக்கு உதவி செய்யும் கேரக்டரில் நடித்துள்ளாராம்.
‘பாட்ஷா’ படத்தில், ரஜினியின் நண்பனாக நடித்த சரண் ராஜின் பெயர் அன்வர் பாட்ஷா. அவர் இறந்தபிறகு, மாணிக்கம் என்ற தன் பெயரை, மாணிக் பாட்ஷாவாக மாற்றிக் கொள்வார் ரஜினி. அதேபோல், இந்தப் படத்தில் ஒரு முஸ்லீம் கதாபாத்திரம் ரஜினிக்கு உதவி செய்வதால், ‘பாட்ஷா’வின் இரண்டாம் பாகமாக உருவாக வாய்ப்பிருக்கிறது என்கிறார்கள்.
