துப்பாக்கி, கத்தி திரைப்படத்தைத் தொடர்ந்து விஜய்யும், ஏ.ஆர்.முருகதாஸும் மூன்றாவது முறையாக விஜய் 62 படத்தில் இணைந்துள்ளனர். பைரவா படத்தைத் தொடர்ந்து விஜய் ஜோடியாக கீர்த்தி சுரேஷ் நடிக்கிறார். ஏ.ஆர்.ரஹ்மான் இந்தப் படத்துக்கு இசையமைக்கிறார். கிரீஷ் கங்காதரன் விஜய் 62 படத்துக்கு ஒளிப்பதிவு செய்கிறார். தேசிய விருதுபெற்ற எடிட்டர் ஸ்ரீகர் பிரசாத் எடிட்டிங் பணிகளைக் கவனிக்க சந்தானம் ஆர்ட் டைரக்டராகப் பணியாற்றுகிறார்.
இந்நிலையில் தெலுங்கில் 100 படங்களுக்கு மேல் ஸ்டண்ட் காட்சிகளை வடிவமைத்த முன்னணி ஸ்டண்ட் மாஸ்டர்களான ராம் - லக்ஷ்மன், விஜய் 62 படத்திற்கு ஸ்டண்ட் காட்சிகளை வடிவமைக்க ஒப்பந்தமாகியுள்ளனர். இது இப்படத்தின் மீதான எதிர்பார்ப்பை கூட்டியுள்ளது.
