நேர்கொண்ட பார்வை படத்தின் வெற்றியை தொடர்ந்து நடிகர் அஜித் ஹெச் வினோத் இயக்கத்தில் போனி கபூர் தயாரிப்பில் மீண்டும் இணைந்து தனது 60-வது படத்தில் நடிக்கவிருக்கிறார். அஜித் பைக் ரேஸராக நடிக்கவுள்ள இப்படம் அவரின் கடந்த கால வாழக்கையை சுவாரஸ்யமாக சொல்லும் விதத்தில் உருவாக உள்ளது. AK 60 என தற்காலிகமாக பெயர் வைக்கப்பட்டுள்ளது.
இந்நிலையில் தற்போது அஜித் தனது 60-வது படத்திற்காக தனது கெட்டப்பை முற்றிலுமாக மாற்றி பைக் ரேஸருக்கு ஏற்றவாறு கட்டான உடல் தோற்றத்தை கொண்டுள்ளார். கூடவே கருப்பு நிற ஹேரில் இளமையான தோற்றத்தில் ஸ்டைலாக இருக்கும் அஜித்தின் புகைப்படங்கள் இணையத்தில் வெளியாகி வைரலாகி வருகிறது. இதை கண்ட அஜித்தின் ரசிகர்கள் தல 60 படத்தின் லுக் என்று கூறி ஷேர் செய்து வருகின்றனர்.
