ஹாலிவுட் பட வாய்ப்புக்காக ஆபாசமாக நடிக்கிறேனா? தமன்னா விளக்கம்!

தமிழ் சினிமாவில் கேடி படத்தின் மூலம் அறிமுகமானார் தமன்னா. ஆனால் அவருக்கான கவனிப்பு என்பது கல்லூரி மற்றும் அயன் ஆகிய படங்களின் மூலம்தான் கிடைத்தது. அதையடுத்து வரிசையாக முன்னணி நடிகர்கள் படங்களில் நடித்து டாப் நடிகையானார்.

ஆனால் ஒரு கட்டத்தில் புது நாயகிகளின் வரவுக்கு பிறகு தமன்னாவின் வாய்ப்புகள் குறைய ஆரம்பித்தன. இப்போது சினிமாவில் 18 ஆண்டுகளைக் கடந்துள்ள நிலையில் பாலிவுட் பட வாய்ப்புகள் அவருக்கு அதிகமாக வர ஆரம்பித்துள்ளன. பாலிவுட்டில் அடுத்தடுத்து ஜி கர்தா மற்றும் லஸ்ட் ஸ்டோரிஸ் 2 ஆகியவற்றில் நடித்துள்ளார்.

இரண்டுமே பாலியல் சம்மந்தப்பட்ட கதைக்களம் என்பதால் இரண்டிலுமே கவர்ச்சி கூடுதலாக நடித்துள்ளார் தமன்னா. அதிலும் ஜிகர்தாவில் டாப்லெஸ் மற்றும் உடலுறவு காட்சிகளிலும் நடித்திருப்பதால் அவரது ரசிகர்கள் ஷாக் ஆகியுள்ளனர். இந்நிலையில் ஹாலிவுட் படங்களில் வாய்ப்புகளைப் பெறதான் தமன்னா இப்படி ஆபாசமாக நடிக்கிறார் என்ற குற்றச்சாட்டும் எழுந்துள்ளது.

இதற்கு விளக்கம் அளித்துள்ள தமன்னா “கதைக்கு தேவை என்பதால்தான் அப்படி நடித்தேனே தவிர ஹாலிவுட் வாய்ப்புகளுக்காக அல்ல. 18 வருடங்களுக்கு பிறகு பிரபலமாக மாற நான் முயற்சிகள் எடுக்க வேண்டியதில்லை.” என பதிலளித்துள்ளார்.