பிரபல பாலிவுட் சூப்பர் ஸ்டார் நடிகர் ஷாரூக்கான் நடிப்பில் இயக்குனர் அட்லீ இயக்கியுள்ள படம் ஜவான். இந்த படத்தில் நயன்தாரா, விஜய் சேதுபதி என முன்னணி தமிழ் நடிகர்களும் நடித்துள்ளார்கள். இந்த படத்தின் மூலம் இந்தியிலும் இசையமைப்பாளராக அறிமுகமாகியுள்ளார் அனிருத்.
சமீபத்தில், இப்படத்தின் முதல் சிங்கில் ‘’’வந்த இடம் என் காடு, நீதான் பலியாடு’ என்ற பாடல் 'டி சீரீஸ்-தமிழ் யூடியூப்' பக்கத்தில் வெளியிடப்பட்டு பல லட்சம் பார்வையாளர்களைப் பெற்றுள்ளது.
ஜவான் படம் வரும் செப்டம்பர் 7 ஆம் தேதி ரிலீஸாகவுள்ளது.
இந்த நிலையில், ஜவான் படத்தில் சூப்பர் ஸ்டார் ஷாருக்கானின் புதிய போஸ்டரை படக்குழு வெளியிட்டுள்ளது. இதில், மொட்டை தலையுடன் வித்தியாசமான கெட்டப்பில் ஷாருக்கான் உள்ளார். இந்தப் போஸ்டர் சமூகவலைதளங்களில் வைரலாகி வருகிறது.
