கடந்த ஆண்டே தொடங்கப்பட்ட விடுதலை இந்த படத்தை முதலில் சிறு பட்ஜெட்டில் குறுகிய காலத்தில் எடுத்து முடிப்பதாகவே திட்டமிடப்பட்டது. ஆனால் படத்தில் விஜய் சேதுபதி இணைந்ததும் படத்தின் பட்ஜெட் அதிகமாகி ஏராளமான நட்சத்திரங்களை நடிக்க வைத்தனர். ஆனால் அனைவரும் பிஸியான நடிகர்களாக இருப்பதால், அவர்களின் தேதிகளைப் பெறுவதில் சிக்கல் எழுந்தது.
இந்த படத்தில் கதாநாயகனாக நடித்து வரும் சூரி, இதற்காக பல படங்களின் வாய்ப்புகளை இழந்தார். இதனால் இந்த படத்தை அவர் பெரிய அளவில் நம்பி இருக்கிறார். இந்நிலையில் இப்போது சூரி மீண்டும் ஒரு படத்தில் ஹீரோவாக நடிக்க உள்ளார். இந்த படத்தை மதயானைக் கூட்டம் படத்தின் இயக்குனர் விக்ரம் சுகுமாரன் இயக்க உள்ளாரம். டிஸ்னி ப்ளஸ் ஹாட்ஸ்டார் ஓடிடிக்காக இந்த படம் உருவாக உள்ளதாக தகவல் வெளியாகியுள்ளது.
