ஒளிப்பதிவாளரான சிவா தமிழில் சிறுத்தை படம் மூலமாக இயக்குனராக அறிமுகமானார். இதன் பின்னர் அஜித்தோடு இணைந்து நான்கு படங்கள் பணியாற்றி தமிழின் முன்னணி இயக்குனர் ஆனார். அதன் பின்னர் ரஜினியை வைத்து அண்ணாத்த படத்தை இயக்க, அந்த படம் தோல்விப் படமாக அமைந்தது.
இதையடுத்து சூர்யா நடிப்பில் உருவாகி வரும் கங்குவா படத்தை சிறுத்தை சிவா மிக பிரம்மாண்டமாக இயக்கி வருகிரார். இந்த கதை நிகழ்காலம் மற்றும் சில நூற்றாண்டுகளுக்கு முந்தைய காலம் என இரு காலகட்டங்களில் நடக்கும் விதமாக உருவாக்கப்பட்டுள்ளது. படத்தில் பாபி தியோல், திஷா பதானி, கே எஸ் ரவிக்குமார் உள்ளிட்டவர்கள் நடிக்க, வெற்றி ஒளிப்பதிவு மேற்கொள்ள, தேவி ஸ்ரீ பிரசாத் இசையமைத்துள்ளார். இந்த வாரம் வெள்ளிக்கிழமை இந்த படம் ரிலீஸாகும் நிலையில் சிவாவின் அடுத்த படம் குறித்த தகவல் ஒன்று வெளியாகியுள்ளது.
