எச் வினோத் இயக்கத்தில் அஜீத், ஷ்ரதா ஸ்ரீநாத், வித்யா பாலன் உள்ளிட்டோர் நடிப்பில் போனி கபூர் தயாரிப்பில் உருவான நேர்கொண்ட பார்வை படம் கடந்த ஆண்டு ஆகஸ்ட் மாதம் 8 ஆம் தேதி வெளியானது. வழக்கத்துக்கு மாறாக அஜித் மிகவும் கதையம்சம் உள்ள படமாக நீண்ட நாட்களுக்கு பின்னர் தேர்வு செய்து நடித்திருந்தார். மிகப்பெரிய வெற்றி பெற்ற அந்த படம் இப்போது ஓராண்டை நிறைவு செய்துள்ளது.
தனது இன்ஸ்டாகிராம் பக்கத்தில் ‘மீரா மிகவும் வலிமையான மற்றும் எமோஷனலான பெண். எப்போதும் தன் கையில் ஒரு ரப்பர் பேண்டையும் அணிந்திருப்பார், வெப்பம் அதிகமாகும் சமயத்தில் அதைக் கொண்டு தன் தலைமுடியைக் கட்டிக் கொள்வார். அவர் சுயமாக சிந்திக்கக் கூடியவர். மீராவைப் போல வாழுங்கள். தோல்விகளை வெற்றிகளாக மாற்றும் ஒரு மெகா ஸ்டார். நாம் பேசத் தயங்கும் விஷயங்களைப் பேசும் ஒரு படத்தின் ஒரு அங்கம். அஜித்துடன் சேர்ந்து நடித்தது ஒரு கௌரவம்’ எனக் கூறியுள்ளார்.
