மெர்சல் படத்தில் நடிகர் விஜய் ஜி.எஸ்.டி பற்றி பேசிய சில வசனங்கள் பாஜகவினரை கொதிப்படைய செய்துள்ளது. தமிழிசை சவுந்தரராஜன், பொன்.ராதாகிருஷ்ணன், ஹெச்.ராஜா போன்றோர் விஜய்க்கு எதிராக கருத்து தெரிவித்து வருகின்றனர்.
அந்நிலையில், மெர்சல் படத்திற்கு ஆதரவாக தமிழ் சினிமா துறையினர் களம் இறங்கியுள்ளனர். கமல்ஹாசன், விஷால், பார்த்தீபன் உள்ளிட்ட பலரும் விஜய்க்கு ஆதரவாகவும், பாஜகவிற்கு எதிராகவும் கருத்து தெரிவித்து வருகின்றனர்.
இந்நிலையில், நடிகர் சாந்தனு தனது டிவிட்டர் பக்கத்தில் “மெர்சல் படத்தை மறு தணிக்கை செய்வது ஜனநாயக நாட்டில் வெட்கக்கேடானது. அந்த மனுஷன விடுங்கப்பா. ஆனா ஊனா அவரு படத்தை கொக்கி போடுறீங்க” எனக் குறிப்பிட்டுள்ளார்.
