கமல்ஹாசன் நடிப்பில் ஷங்கர் இயக்கத்தில் உருவாகி வரும் ’இந்தியன் 2’ படம் தொடங்கப்பட்டு நான்கு ஆண்டுகளுக்கு மேலாகியும் இன்னும் ரிலீஸாகவில்லை. படப்பிடிப்புத் தளத்தில் நடந்த விபத்துக் காரணமாக மூன்று பேர் உயிரிழந்ததை அடுத்து படப்பிடிப்பு நிறுத்தப்பட்டது. இதற்கிடையில் ஷங்கர் தற்போது ராம்சரண் மற்றும் கியாரா அத்வானி ஆகியோர் நடிக்கும் “கேம் சேஞ்சர்” படத்தையும் இயக்கி வருகிறார். இந்த படத்தில் எஸ் ஜே சூர்யா வில்லனாக நடிக்கிறார். இந்த படத்தின் ஷூட்டிங் பாதி அளவுக்கு முடிந்துள்ளதாக சொல்லப்படுகிறது.
இந்தியன் 2, கேம் சேஞ்சர் என இரண்டு படங்களையும் ஒன்றாக இயக்கி வரும் ஷங்கர் இப்போது கேம் சேஞ்சர் படத்தின் க்ளைமேக்ஸ் காட்சியை படமாக்கி முடித்துள்ளாராம். இந்த படம் அடுத்த ஆண்டு ரிலீஸ் ஆகும் என சொல்லப்படுகிறது.
