திரைப்படத்தில் முன்னணி நடிகர்களாக நடித்துக் கொண்டிருக்கும் பலர் தற்போது வெப்சீரிஸ் பக்கம் தங்கள் பார்வையைத் திருப்பி உள்ள நிலையில், வெப் சீரீஸுக்கு நல்ல வரவேற்பு கிடைத்து வருவதால் அதிலும் புகழ் மற்றும் பணம் சம்பாதிக்கலாம் என்பதே அவர்களுடைய எண்ணமாக இருக்கிறது
ஏற்கனவே தென்னிந்திய சினிமாவின் முன்னணி நடிகைகளான காஜல் அகர்வால், தமன்னா, சமந்தா, நித்யா மேனன், பிரியா பவானி சங்கர், பிரியாமணி உள்ளிட்ட பலர் வெப்சீரிஸ்ஸில் வரை நடித்து வருகின்றனர். அதேபோல் பிரசன்னா, பாபி சிம்ஹா, உள்பட பல நடிகர்களும் வெப்சீரிஸ்ஸில் நடித்து வருகின்றனர் என்பது தெரிந்ததே
இந்த நிலையில் தற்போது வில்லன் மற்றும் ஹீரோ வேடங்களில் கலக்கிய சத்யராஜும் வெப்சீரிஸ் ஒன்றில் நடிக்க ஒப்பந்தமாகியுள்ளதாக செய்திகள் வெளிவந்தது. இந்த வெப்சீரிஸ்ஸை இயக்குனர் தாமிரா இயக்க உள்ளார். இவர் ஏற்கனவே ரெட்டைசுழி மற்றும் ஆண்தேவதை ஆகிய படங்களை இயக்கியவர் என்பது குறிப்பிடத்தக்கது. காதல் நகைச்சுவை குடும்ப சென்டிமென்ட் ஆகிய அம்சங்கள் கொண்ட இந்த சீரிஸில் சத்யராஜுடன் சீதா மற்றும் சுகன்யா ஆகியோரும் நடித்துள்ளனர் என்பது குறிப்பிடத்தக்கது
