இதனால் ஆளும் அதிமுகவினர் போராட்டத்தில் குதித்ததால் படத்தில் சர்ச்சைக்குரிய காட்சிகள் நீக்கப்பட்டு பின்னர் திரையிடப்பட்டது. இதற்கிடையே போராட்டங்கள் காரணமாக சர்கார் படத்துக்கு பெரும் விளம்பரம் கிடைத்தது. இதனால் கலவையான விமர்சனங்களை சந்தித்த போதும், பல ஆயிரம் பேர் திரையரங்கில் சென்று சர்கார் படத்தை பார்த்தனர்.
இதனால் இரண்டு வாரத்தில் 200 கோடி ரூபாய் வசூலை ஈட்டியது சர்கார். வெளிநாடுகளிலும் வசூலில் சர்கார் சக்கை போடு போட்டு வருகிறது. 3வது வாரத்தை கடந்து சர்கார் திரைப்படம் பிரான்ஸில் வெற்றிகரமாக ஓடிக்கொண்டிருக்கிறது, நைட் ஈடி பிலிம்ஸ் பிரான்ஸில் சர்கார் திரைப்படத்தை வாங்கி வெளியிட்டுள்ளது. அந்த நிறுவனம் தனது டுவிட்டர் பக்கத்தில் சார்கார் திரைப்படம் மூன்றாவது வாரத்தை கடந்து ஓடுவதை பெருமையாக குறிப்பிட்டு பதிவிட்டுள்ளது.
