இந்த விழாவில் கலந்துகொண்ட படக்குழுவினர் அனைவரும் நடிகர் விஜய்யை புகழ்ந்து பேசினர். அப்போது பேசிய சரத்குமார் “சூர்யவம்சம் படத்தின் 175 ஆவது நாள் விழாவில் பேசும் போது விஜய்தான் அடுத்த சூப்பர் ஸ்டார் என நான் சொன்னேன். அப்போது அதைக் கேட்ட கலைஞரே வியந்தார். இப்போது விஜய் சூப்பர் ஸ்டாராக இருக்கிறார். நான் அன்று சொன்னது இன்று பலித்துவிட்டது” எனக் கூறியுள்ளார்.
சரத்குமாரின் இந்த பேச்சு அஜித் ரசிகர்கள் மற்றும் ரஜினி ரசிகர்கள் இடையே கொந்தளிப்பை ஏற்படுத்தியது. இந்நிலையில் இப்போது ஒரு யுட்யூப் சேனலுக்கு பேட்டியளித்த சரத்குமார் “நான் ரஜினி சூப்பர் ஸ்டார் இல்லை என்று சொல்லவில்லையே. விஜய் சூப்பர் ஸ்டார் ஆவார் என்றுதான் சொன்னேன். அஜித்தும் சூப்பர் ஸ்டார்தான். வாழ்க்கையில் சாதிக்கும் எந்த ஒரு நபரும் சூப்பர் ஸ்டார்தான்.” என சமாளித்து மழுப்பும் விதமாக பேசியுள்ளார்.
