தமிழ் மற்றும் தெலுங்கு சினிமாவின் முன்னணி நடிகைகளில் ஒருவரான சமந்தா தற்பொழுது பேமிலி மேன் இயக்குனர்கள் ராஜ் & டிகே இயக்கத்தில் ரக்த் பிரம்மாண்ட் என்ற வெப் தொடரில் நடித்து வருகிறார். கடந்த சில ஆண்டுகளாக அவர் மையோசிட்டிஸ் எனும் உடல்நலப் பிரச்சனையால் பாதிக்கப்பட்டுள்ளதால் அவர் அதிகமாக படங்களில் நடிக்கவில்லை என்று சொல்லப்படுகிறது.இது தவிர அவர் கைவசம் படங்கள் எதுவும் இப்போது இல்லை. சமீபகாலமாக அவர் நடித்த ‘குஷி’ மற்றும் ‘சகுந்தலம்’ ஆகிய படங்கள் தோல்விப் படங்களாக அமைந்தன.
இந்நிலையில் ஏன் தமிழ்ப் படங்களில் நடிப்பதில்லை என்ற கேள்விக்கு அவர் பதிலளித்துள்ளார். அதில் “நான் எனது சினிமா வாழ்க்கையின் முக்கியமானக் கட்டத்தில் இருக்கிறேன். நான் தேர்வு செய்யும் படங்கள் இந்த படம்தான் எனது கடைசிப் படம் என்ற தாக்கத்தை எனக்குக் கொடுக்கவேண்டும். அப்படி இல்லையென்றால் நான் நடிக்க ஒப்புக் கொள்வதில்லை” எனக் கூறியுள்ளார்.
