தமிழ் சினிமாவின் நகைச்சுவை நடிகரான மயில்சாமி நேற்று அதிகாலை திடீர் மாரடைப்பால் உயிரிழந்த சம்பவம் திரை உலகில் பெரும் அதிர்ச்சியை ஏற்படுத்தியுள்ளது. சென்னை சாலிகிராமத்தில் அவருடைய உடல் நேற்று முதலாக வைக்கப்பட்டுள்ள நிலையில் ஏராளமான சினிமாத்துறையினர் சென்று அவரது உடலுக்கு மாலை அணிவித்து மரியாதை செய்து வருகின்றனர்.
இன்று நடிகர் ரஜினிகாந்த் அவரது உடலுக்கு மாலை வைத்து மரியாதை செய்தார். பின்னர் செய்தியாளர்களிடம் பேசிய அவர் “நடிகர் மயில்சாமி எம்ஜிஆரின் தீவிர ரசிகர். சிவபக்தர். ஒவ்வொருமுறை திருவண்ணாமலை கார்த்திகை தீபத்தின் போதும் அங்கிருந்து எனக்கு போன் செய்வார். கடந்தமுறை அவர் தொடர்பு கொண்டபோது என்னால் பேச முடியவில்லை”
