அல்லு அர்ஜுன் நடிப்பில் சுகுமார் இயக்கத்தில் கடந்த டிசம்பர் 18 ஆம் தேதி வெளியான படம் புஷ்பா. இந்த படம் தமிழ், தெலுங்கு, இந்தி மற்றும் கன்னடம் ஆகிய மொழிகளில் பேன் இந்தியா படமாக வெளியானது. இந்த படத்தில் ராஷ்மிகா மந்தனா உள்ளிட்டோர் நடித்திருந்தனர். படம் திரையரங்குகளில் வெளியாகி வரவேற்பு பெற்றது. குறிப்பாக பாலிவுட்டில் இந்த படத்தின் வெற்றி பெரிய அளவில் பேசப்பட்டது.
சமீபத்தில் வெளியாகி மிகப்பெரிய வெற்றி பெற்ற கே ஜி எஃப் 2 படத்தைப் பார்த்த இயக்குனர் சுகுமார், புஷ்பா 2 படத்தின் உருவாக்கத்தில் சில மாற்றங்களை செய்ய விரும்பி, இப்போதைக்கு படப்பிடிப்பை நிறுத்தி வைத்துள்ளதாக சொல்லப்படுகிறது.
