நடிகையும், டிவி தொகுப்பாளினியாகவும் உள்ளார் ரம்யா. தற்போது படங்களின் நடிக்கும் வாய்ப்பு வந்துள்ளது. விஜய்யின் தீவிர ரசிகையான இவர், விஜய்யுடன் பழகிய அனுபவத்தை பற்றி கூறியுள்ளார். சின்னத்திரையில் கலக்கிய ரம்யா, விளாயாட்டிலும் ஆர்வம் கொண்டவர்.
இந்நிலையில் தொகுப்பாளினி ரம்யா விஜய்யை மிகவும் எளிமையானவர், மரியாதையானவர் என பாராட்டியுள்ளார். தமிழ் சினிமாவில் உச்சநட்சத்திரமாக வலம் வருபவர் தளபதி விஜய். இவருக்கான ரசிகர்கள் ஏராளம். அதேபோல் பிரபலங்கள் பலரும் இவருக்கு ரசிகர்களாக இருக்கின்றனர்.
ரம்யா கூறுகையில் 'விஜய் அண்ணா மிகவும் எளிமையாக இருப்பார். அவரது வீட்டிற்குச் சென்றால் வரவேற்பதில் தொடங்கி காரில் ஏறுவதுவரை நம்மை பெரிய ஆள் போல ஃபீல் பண்ண வைப்பார். போலியாக இல்லாமல் நேர்மையாக நடந்து கொள்வார். நம்முடைய கருத்தை ஏற்றுக்கொள்வார். அவரது ஒரு படம் அவ்வளவு ரசிக்கும்படியாக இல்லை என்று நேரடியாகச் சொன்னால் கூட அந்த விமர்சனத்தை சாதாரணமாக ஏற்றுக்கொள்வார். அந்த நிலையில் நான் இருந்தால் இப்படி இருப்பேனா என்று தெரியவில்லை. விஜய் அண்ணா அநியாயத்திற்கு நல்லவர்' என்று கூறியுள்ளார் ரம்யா.
