பா.இரஞ்சித் இயக்கத்தில் ரஜினி நடித்துவரும் படம் ‘காலா’. இந்தப் படத்தின் படப்பிடிப்பு, கடந்த மாதம் 28ஆம் தேதி முதல் மும்பையில் தொடங்கி நடைபெற்று வருகிறது. முதல் நாளில் இருந்தே ஷூட்டிங்கில் கலந்துகொண்ட ரஜினி, தொடர்ந்து 11 நாட்கள் ஷூட்டிங்கில் கலந்து கொண்டார். மும்பையில் இருந்து இன்று மதியம் சென்னை திரும்பிய ரஜினி, இன்னும் இரண்டு மாதத்தில் மீதமுள்ள ரசிகர்களைச் சந்திக்க இருப்பதாக விமான நிலையத்தில் பத்திரிகையாளர்களுக்கு பேட்டியளித்தார்.
இந்தப் படத்தில், ஹுமா குரேஷி, அஞ்சலி பட்டில், சாக்ஷி அகர்வால் என மூன்று ஹீரோயின்கள் நடிக்கின்றனர். இந்த நிலையில், சின்ன வயது ரஜினியாக தனுஷ் நடிக்கிறார் என்று கூறப்படுகிறது. அப்படி அவர் நடித்தால், அவருக்கு ஜோடியாக எந்த நடிகை நடிப்பார் என்ற கேள்வி எழுந்துள்ளது. ‘பவர் பாண்டி’ படத்தில் சின்ன வயது ராஜ்கிரணாக நடித்த தனுஷுக்கு ஜோடியாக மடோனா செபாஸ்டியன் நடித்திருந்தார் என்பது குறிப்பிடத்தக்கது.
