மகேஷ் பாபு நடிப்பில் கடந்த ஆண்டு ரிலீஸான சர்காரு வாரிபாட்டா திரைப்படம் கவனத்தைப் பெற்றது. இதையடுத்து அவரின் அடுத்த படம் பற்றிய கேள்விகள் எழுந்தன. ராஜமௌலி இயக்கத்தில் அவர் ஒரு படம் நடிக்க உள்ளதாக சொல்லப்பட்டது. அதற்கான வேலைகளை ராஜமௌலி தொடங்கிவிட்டார். ஆனால் ஷூட்டிங் தொடங்க எப்படியும் ஒரு வருடத்துக்கு மேல் ஆகும் என்பதால் இப்போது மகேஷ் பாபு தன்னுடைய அடுத்த படமாக திரிவிக்ரம் இயக்கும் படத்தில் நடித்து வருகிறார்.
இந்த படத்தில் பூஜா ஹெக்டே மற்றும் அமலா ஆகியோர் முக்கிய வேடத்தில் நடிக்கின்றனர். இது மகேஷ் பாபுவின் 28 ஆவது படம். இந்த படத்தின் டைட்டிலே இன்னும் அறிவிக்கப்படவில்லை. இந்நிலையில் படத்தின் ரிலீஸ் தேதி அதிகாரப்பூர்வமாக அறிவிக்கப்பட்டுள்ளது. அடுத்த ஆண்டு ஜனவரி மாதம் 12 ஆம் தேதி சங்கராந்தியை முன்னிட்டு இந்த படம் ரிலீஸ் ஆக உள்ளது. அதே தேதியில் பிரபாஸின் ப்ராஜெக்ட் கே திரைப்படம் ரிலீஸாக உள்ளது குறிப்பிடத்தக்கது.
