இந்த படத்தின் முதல் லுக் சமீபத்தில் வெளியிடப்பட்டது. அதையடுத்து படத்தின் நாயகனாக நடிக்கும் சூரி ‘என் வாழ்வில் இந்த முக்கிய தருணத்தை ஏற்படுத்திக்கொடுத்த இயக்குநர் வெற்றிமாறன் அண்ணனுக்கும், இசைஞானி ஐயா அவர்களுக்கும், எல்ரெட் குமார் சாருக்கும் மனமார்ந்த நன்றிகள். புதிய பரிமாணத்தில் மாமா விஜய் சேதுபதியுடன் இணைவதில் மகிழ்ச்சி’ என டிவீட் செய்தார்.
எழுத்தாளர் ஜெயமோகனின் துணைவன் என்ற சிறுகதையை எடுத்து விடுதலை என்ற பெயரில் சினிமாவாக வெற்றி மாறன் இயக்கவுள்ளார். இந்நிலையில் இப்படத்திற்கு நாளுக்கு நாள் எதிர்பார்ப்பு அதிகரித்துவரும் நிலையில், இப்படத்தில் தற்போது கௌதம் வாசுதேவ் மேனன் இணைந்துள்ளது படத்திற்கு பலமாகப் பார்க்கப்படுகிறது.
