ரிலையன்ஸ் எண்டர்டெயின்மெண்ட் மற்றும் பிரின்ஸ் பிக்சர்ஸ் இணைந்து தயாரிக்கும் புதிய படத்தில் கார்த்தி நடிக்கவுள்ளார். இந்த படத்தில் 'தீரம் அதிகாரம் ஒன்று' படத்திற்கு பின் மீண்டும் ரகுல் ப்ரித்திசிங் ஜோடியாக நடிக்கவுள்ளார். மேலும் இந்த படத்தில் பிரகாஷ்ராஜ் , ரம்யா கிருஷ்ணன் , RJ விக்னேஷ் , அம்ருதா , ரேணுகா உள்பட பலர் நடிக்கவுள்ளனர். அதுமட்டுமின்றி சமீபத்தில் வெளியான 'தானா சேர்ந்த கூட்டம்' படத்தில் நடித்த நவரச நாயகன் கார்த்திக் இந்த படத்தில் முக்கிய வேடத்தில் நடிக்கின்றார்.
ஹாரிஸ் ஜெயராஜ் இசையில், வேல்ராஜ் ஒளிப்பதிவில், ரூபன் படத்தொகுப்பில் உருவாகும் இந்த படத்தை ரஜத் ரவிசங்கர் என்பவர் இயக்கவுள்ளார். எங்கேயும் எப்போதும்" இயக்குநர் சரவணன் , மற்றும் இயக்குனர் R.கண்ணன் ஆகியோர்களிடம் இணை இயக்குனராக பணிபுரிந்தவர் என்பது குறிப்பிடத்தக்கது.
