தர்மதுரை படத்தை அடுத்து இயக்குநர் சீனு ராமசாமி இயக்கியுள்ள படம் கண்ணே கலைமானே. உதயநிதி ஸ்டாலின், தமன்னா ஆகியோர் ஜோடியாக நடித்துள்ளார்கள். இவர்களுடன் வடிவுக்கரசி, வசுந்தரா காஷ்யப் உள்பட பலர் முக்கிய வேடங்களில் நடித்துள்ளனர். இந்தப் படத்துக்கு யுவன் சங்கர்ராஜா இசையமைத்துள்ளார்.
“கண்ணே கலைமானே படம் விவசாயிகளின் பிரச்னைகள், நீட் தேர்வு, இயற்கை விவசாயம் உள்ளிட்ட பல விஷயங்கள் அடங்கிய கதை என ஏற்கனவே உதயநிதி கூறியுள்ளார். இந்தப் படத்தில் உதயநிதி கமலக்கண்ணன் என்ற கதாபாத்திரத்தில் ஆர்கானிக் விவசாயியாக நடித்துள்ளார். தமன்னா, பாரதி என்ற கதாபாத்திரத்தில் கூட்டுறவு வங்கி அதிகாரியாக நடித்துள்ளார்.
