ஏ.ஆர்.முருகதாஸ் இயக்கத்தில் ரஜினிகாந்த் நடித்துள்ள திரைப்படம் தர்பார். மும்பை போலீஸ் கமிஷனராக ரஜினிகாந்த் நடித்துள்ள இந்த ஆக்ஷன் படம் தமிழ், தெலுங்கு, இந்தி ஆகிய மொழிகளில் வெளியாக இருக்கிறது. கர்நாடகாவில் மட்டும் தமிழிலேயே வெளியாகிறது.
ஜனவரி 9ம் தேதி தர்பார் வெளியாக உள்ள நிலையில் கர்நாடகாவில் இந்த படத்தை வெளியிட எதிர்ப்பு கிளம்பியுள்ளது. ஏற்கனவே கன்னட படங்கள் தவிர்த்த மற்ற மொழி படங்களை வெளியிட கன்னட அமைப்புகள் சில எதிர்ப்பு தெரிவித்து வரும் நிலையில் தர்பார் படம் நேரடியாக தமிழில் வெளியிட கூடாது. கன்னடத்தில் டப்பிங் செய்துதான் வெளியிட வேண்டும் என எதிர்ப்பு தெரிவித்துள்ளனர்.
