நடிகர் சூர்யா நடித்த கங்குவா என்ற திரைப்படம் சமீபத்தில் வெளியான நிலையில், இந்த படத்திற்கு ஏகப்பட்ட நெகட்டிவ் விமர்சனங்கள் குவிந்தன. இதனை அடுத்து, தற்போது இந்த படம் 12 நிமிடங்கள் நீக்கப்பட்டுள்ளதாக தகவல் வெளியாகி உள்ளன.
இந்த நிலையில், தற்போது தயாரிப்பு நிறுவனம் கங்குவா படத்தில் இடம்பெற்ற நிகழ்காலக் காட்சியில் இருந்து 12 நிமிடத்தை நீக்கியுள்ளது. இதனால், இந்த படத்தின் நீளம் 2 மணி நேரம் 22 நிமிடங்கள் மட்டுமே ஓடக்கூடிய வகையில் உள்ளது என்பது குறிப்பிடத்தக்கது.
முதல் நாள் கடுமையான எதிர்மறை விமர்சனங்களை சந்தித்தபோதிலும், இரண்டாவது மற்றும் மூன்றாவது நாள் ஓரளவு பாசிட்டிவ் விமர்சனங்களை பெற்று வருவதாக தயாரிப்பு தரப்பிலிருந்து கூறப்படுகிறது. மேலும், இந்த படம் 125 கோடி ரூபாய்க்கு மேல் 3 நாளில் வசூல் செய்ததாகவும் தயாரிப்பு தரப்பில் இருந்து அறிவிக்கப்பட்டிருந்தது என்பது குறிப்பிடத்தக்கது.
