நடிகராக, தயாரிப்பாளராக, கவிஞராக, பாடகராக, இயக்குனராக, அரசியல்வாதியாக இன்னும் பலவாக தமிழ் சினிமாவின் முக்கியமான அடையாளமாக இருப்பவர் கமல்ஹாசன். களத்தூர் கண்ணம்மாவில் குழந்தை நட்சத்திரமாக தனது திரை பயணத்தை தொடங்கியவர் ‘விக்ரம்’ வரை ஏராளமான படங்களை நடித்துள்ளதுடன், கோலிவுட்டை மற்ற மொழி திரையுலகம் வியந்து பார்க்கும் வகையிலான பரிசோதனை முயற்சிகளையும் செய்துள்ளார்.
கடந்த சில ஆண்டுகளாக தீவிர அரசியல் காரணமாக படம் நடிக்காமல் இருந்து வந்த கமல்ஹாசன் சமீபத்தில் நடித்த ‘விக்ரம்’ உலக அளவில் பெரும் ஹிட் அடித்துள்ளது. அதை தொடர்ந்து ‘விக்ரம் 3’ ’இந்தியன் 2’, மணிரத்னம் இயக்கத்தில் ஒரு படம் என அடுத்தடுத்து பட அறிவிப்புகளை வெளியிட்டு ரசிகர்களை கொண்டாட்டத்தில் ஆழ்த்தியுள்ளார் கமல்ஹாசன்.
