பிரபல பாலிவுட் சூப்பர் ஸ்டார் நடிகர் ஷாரூக்கான் நடிப்பில் இயக்குனர் அட்லீ இயக்கியுள்ள படம் ஜவான். இந்த படத்தில் நயந்தாரா, விஜய் சேதுபதி என முன்னணி தமிழ் நடிகர்களும் நடித்துள்ளார்கள். இந்த படத்தின் மூலம் இந்தியிலும் இசையமைப்பாளராக அறிமுகமாகியுள்ளார் அனிருத்.
வந்த இடம் என் காடு, நீதான் பலியாடு என்ற பாடல் துள்ளல் இசையில் ரசிகர்களை ஆட்டம் போட வைக்கும் வகையிலுள்ளது. இப்பாடலை விவேக் எழுதியுள்ளார். அனிருத் பாடியுள்ளார். ஷாருக்கான் அசத்தல் நடனம் ஆடியுள்ளார். ஜவான் பட முதல் பாடலே ரசிகர்களைக் கவர்ந்துள்ளதால் இப்படத்தின் மற்ற பாடல்களும் மிகப்பெரிய வெற்றி பெறும் என்று கூறப்படுகிறது.
