ரசிகர்களின் கேள்விகளுக்கு சில நாட்களாக விஜய்யின் மகன் சஞ்சய் இன்ஸ்டாகிராமில் பதிலளித்து வருவதாக சிலப் பதிவுகள் புகைப்படங்களாக சமூக வலைதளங்களில் பரவலாக பரவின. குறிப்பாக தல கெத்து", ``தலயின் பிரியாணியை ஒரு தடவைதான் சாப்பிட்டிருக்கேன்" ``விஜய் சேதுபதி, அஜித் தான் எனக்குப் பிடித்த நடிகர்கள்", என விஜய் மகன் சஞ்சய் பதிலளித்துள்ளதாக தகவல் பரவியது.
இந்நிலையில் கேள்வி பதில் வெளியான இன்ஸ்டாகிராம் அக்கவுன்ட் விஜய்யின் மகன் சஞ்சையுடையது இல்லை எனத் தெரியவந்துள்ளது. மேலும், ``விஜயின் மகன் சஞ்சய், மகள் திவ்யா சாஷா இருவருமே எந்த ஒரு சமூக வலைதளங்களிலும் இல்லை. தயவுசெய்து விஜய் ரசிகர்கள் யாரும் இந்தப் போலிக் கணக்குகளுக்கு ஆதரவு தெரிவிக்கவேண்டாம்" என விஜய் தரப்பில் தெரிவிக்கப்பட்டுள்ளது.
