விஜய் தன்னுடைய அரசியல் வருகையை அறிவித்து விட்ட நிலையில் அவர் நடித்து வரும் GOAT திரைப்படத்தின் மீது மிகப்பெரிய அளவில் எதிர்பார்ப்பு எழுந்துள்ளது. இந்த படத்தில் அவரோடு பிரசாந்த்,பிரபுதேவா, மீனாட்சி சௌத்ரி, ஜெயராம் மற்றும் மோகன் ஆகியோர் நடிக்கின்றனர். யுவன் ஷங்கர் ராஜா இசையமைக்க, சித்தார்த்தா நுனி ஒளிப்பதிவு செய்து வருகிறார். படத்தை ஏஜிஎஸ் நிறுவனம் தயாரித்து வருகிறது.
ஆனால் இப்போது இந்த படத்தில் பிரதான வில்லன் வேடத்தில் விஜய்யே நடிப்பதாக சொல்லப்படுகிறது. படத்தில் விஜய்க்கு இரட்டை வேடம் என்றும் அதில் ஒரு விஜய் கதாபாத்திரம்தான் வில்லன் என்றும் தகவல்கள் பரவி வருகின்றன. விஜய் கடைசியாக பிரியமுடன் படத்தில் நெகட்டிவ் தன்மையுடைய கதாபாத்திரத்தில் நடித்திருந்தார் என்பது குறிப்பிடத்தக்கது.
