கமல்ஹாசன் நடிப்பில் ஷங்கர் இயக்கத்தில் உருவாகி வரும் ’இந்தியன் 2’ படம் தொடங்கப்பட்டு நான்கு ஆண்டுகளுக்கு மேலாகியும் இன்னும் ரிலீஸாகவில்லை. படப்பிடிப்புத் தளத்தில் நடந்த விபத்தில் மூன்று பேர் உயிரிழந்ததை அடுத்து படப்பிடிப்பு நிறுத்தப்பட்டது. அந்த பிரச்சனைகளை எல்லாம் கடந்து, தற்போது மீண்டும் தொடங்கி ஷூட்டிங் விறுவிறுப்பாக நடந்து முடிந்துள்ளது.
இந்நிலையில் இந்தியன் 2 ஷூட்டிங் முடிந்துவிட்டது என அறிவிக்கப்பட்ட நிலையில் இப்போது மீண்டும் ஒரு பாடல் காட்சியை படமாக்க உள்ளதாக சொல்லப்படுகிறது. ஆனால் இந்த பாடலில் கமல்ஹாசன் நடிக்கப் போவதில்லையாம். சித்தார்த் மற்றும் பிரியா பவானி சங்கர் ஆகியோர் நடிக்கும் பாடலை நாளை படமாக்க உள்ளதாக சொல்லப்படுகிறது. இதற்காக தற்போது திருவொற்றியூர் பகுதிகளில் உள்ள சில அடுக்குமாடி குடியிருப்புகளில் இந்தியன் கெட்டப்பில் கமல்ஹாசன் இருக்கும் ஓவியங்களை வரைந்துள்ளனர். இது சம்மந்தமான புகைப்படங்கள் இணையத்தில் வைரலாகி வருகிறது.
