கிருத்திகா உதயநிதி இயக்கத்தில் ‘காளி’ படத்தில் நடித்து வருகிறார் விஜய் ஆண்டனி. இந்தப் படத்தில் சுனைனா, அஞ்சலி, அம்ரிதா, ஷில்பா மஞ்சுநாத் என 4 ஹீரோயின்கள் நடிக்கின்றனர். இந்தப் படத்துக்கு இசையமைப்பதோடு, தயாரிக்கவும் செய்கிறார் விஜய் ஆண்டனி.
இந்நிலையில், விஜய் ஆண்டனி நடித்துள்ள ‘அண்ணாதுரை’ படத்தின் இசை வெளியீட்டு விழா நேற்று நடைபெற்றது. அதில் பேசிய கிருத்திகா உதயநிதி, “கதைத் தேர்வில் விஜய் ஆண்டனிக்கு நிகர் அவர்தான். ‘காளி’ படத்தின் கதையை அவரிடம் சொல்வதற்கு முன்னர், வேறொரு கதையைச் சொன்னேன். அவர் வெளிப்படையாக அந்தக் கதை பிடிக்கவில்லை என்று சொல்லி நிராகரித்தார். அதுதான் அவர் வெற்றிக்கு முக்கியக் காரணமாக இருக்கிறது” என்றார்.
