சிங்கம், சிங்கம் 2, 3 என எடுத்துத் தள்ளும் ஹரி ஏன் சாமி படத்தின் இரண்டாம் பாகத்தை இன்னும் எடுக்காமலிருக்கிறார் என்ற கேள்வி பலருக்கும் இருந்தது. ஹரி - விக்ரம் உறவில் ஏற்பட்ட உரசல்தான் இவர்கள் அருள் படத்துக்குப் பிறகு இணையாமல் போனதற்கு காரணம் எனவும் கூறப்பட்டது. காலத்தால் ஆறாத ரணம் உண்டா? ஹரியும், விக்ரமும் பழையபடி ஒன்றாகியிருக்கிறார்கள்.
இரு முகன் படத்தின் பாடல்கள் வெளியீட்டு விழாவில் சிறப்பு விருந்தினராக கலந்து கொண்ட ஹரி, எஸ் 3 படம் முடிந்ததும் சாமி இரண்டாம் பாகத்தை இயக்குகிறேன். விக்ரமே அதில் நடிக்கிறார். இரு முகனை தயாரித்திருக்கும் தமீன் பிலிம்ஸே படத்தை தயாரிக்கும் என்றார்.
