தமிழ் சினிமாவில் நடிகராகவும், இசையமைப்பாளராகவும் வெற்றி பெற்றவர் ஜி வி பிரகாஷ். அவர் இசையமைப்பில் விரைவில் அவரின் 100 ஆவது படம் பற்றிய அறிவிப்பு வெளியாகும் என எதிர்பார்க்கப்படும் நிலையில், நடிகராகவும் 25 படங்கள் என்ற மைல்கல்லை கிங்ஸ்டன் படம் மூலமாக எட்டியுள்ளார்.
இந்நிலையில் சமீபத்தில் தான் நடிக்க இருந்த ஒரு படம் குறித்து பேசியுள்ளார். சில ஆண்டுகளுக்கு முன்னர் அவர் வெற்றிமாறன் இயக்கத்தில் ஒரு படம் நடிக்க இருந்தாராம். அந்த படத்துக்கு இயக்குனர் அட்லி வசனம் எழுதியிருந்தார் எனக் கூறியுள்ளார். ஆனால் அந்த படம் அடுத்த கட்டத்துக்கு செல்லவில்லை எனப் பகிர்ந்து கொண்டுள்ளார்.
