உஸ்தாத் ராம் பொதினேனி மற்றும் இயக்குநர் பூரி ஜெகன்நாத்தின் ’ஐஸ்மார்ட்’ திரைப்படத்தின் பாடல்கள் ரசிகர்கள் மத்தியில் நல்ல வரவேற்பைப் பெற்றது.அதேபோல், இதன் சீக்வல் ‘டபுள் ஐஸ்மார்ட்’ திரைப்படத்தின் பாடல்களும் ரசிகர்களைக் கவர்ந்துள்ளது.
இந்த பார்ட்டி பாடலுக்கு மணிஷர்மாவின் பூர்வீக நாட்டுப்புற இசையமைப்பு மற்றும் அதன் துடிப்பான பீட்ஸ் கூடுதல் பலம். கேட்பவர்களுக்கு அதீத எனர்ஜி கொடுக்கும் வகையிலான இசைக்கருவிகளைப் பயன்படுத்தியுள்ளார். ராகுல் சிப்லிகஞ்ச், தனுஞ்சன் சீபனா மற்றும் கீர்த்தனா ஷர்மா மூவரும் இந்தப் பாடலை எனர்ஜியாகப் பாடியுள்ளனர்.
பூரி கனெக்ட்ஸ் பேனரில் பூரி ஜெகன்நாத் மற்றும் சார்மி கவுர் ஆகியோரால் தயாரிக்கப்பட்ட இந்த திரைப்படத்தில் சஞ்சய் தத் ஒரு வலுவான கதாபாத்திரத்திலும், காவ்யா தாபர் கதாநாயகியாகவும் நடித்துள்ளார். ஆகஸ்ட் 15 ஆம் தேதி பான் இந்தியா ரிலீஸுக்கு தயாராகி வரும் இப்படத்தின் ஒளிப்பதிவை சாம் கே நாயுடு மற்றும் கியானி கியானெலி ஆகியோர் கையாண்டுள்ளனர்.
