போலீஸ் வேனில் இருந்து தனுஷ் விலங்குடன் இறங்கி வரும் வகையில் இந்த ஃபர்ஸ்ட்லுக் போஸ்டர் உள்ளது. மேலும் இன்னொரு ஃபர்ஸ்ட்லுக் போஸ்டரில் தனுஷ் வாயில் கூரிய கத்தி ஒன்றை வைத்திருப்பது போல் உள்ளது. இந்த ஃபர்ஸ்ட்லுக் போஸ்டர்கள், இந்த படத்தை பார்க்க தூண்டுவதுபோல் இருப்பதாக ரசிகர்கள் தெரிவித்து வருகின்றனர்.
மூன்று பாகங்களாக உருவாகி வரும் இந்த படத்தில் தனுஷ், ஐஸ்வர்யா ராஜேஷ், அமீர், ஆண்ட்ரியா, சமுத்திரக்கனி, டேனியல் பாலாஜி, கிஷோர், கருணாஸ் உள்பட பலர் நடித்துள்ளனர். சந்தோஷ் நாராயணன் இசையில் வேல்ராஜ் ஒளிப்பதிவில், வெங்கடேஷ் படத்தொகுப்பில் உருவாகி வரும் இந்த படத்தை தனுஷின் வொண்டர்பார் பிலிம்ஸ் நிறுவனம் தயாரித்துள்ளது.
