கடந்த ஆண்டு ஆகஸ்ட் மாதம் ரஜினிகாந்த், மோகன் லால், சிவராஜ் குமார், விநாயகன் மற்றும் தமன்னா ஆகியோர் நடித்த ஜெயிலர் படம் ரிலீஸாகி பெருவெற்றி பெற்றது. படத்தின் விமர்சனங்கள் கலவையாக இருந்தாலும், வசூலில் கலக்கி 600 கோடி ரூபாய்க்கு மேல் வசூல் செய்தது. இதனால் உடனடியாக ஜெயிலர் 2 உருவாகும் என தகவல்கள் பரவின.
இந்நிலையில் ஜெயிலர் படத்தில் முக்கிய வேடத்தில் மோகன்லால் மற்றும் சிவராஜ் குமார் ஆகியோர் நடித்திருந்தனர். அந்த பாத்திரங்களுக்குக் கிடைத்த வரவேற்பை அடுத்து இரண்டாம் பாகத்திலும் அவர்களின் கதாபாத்திரத்தை நீட்டிக்க நெல்சன் முடிவு செய்துள்ளதாக சொல்லப்படுகிறது. அதுமட்டுமில்லாமல் கூடுதலாக சில கதாபாத்திரங்களையும் அவர் சேர்க்க உள்ளதாக சொல்லப்படுகிறது. அதில் தனுஷும் லிஸ்ட்டில் இருக்கிறாராம். தனுஷை ஜெயிலர் 2 படத்தில் இணைக்க ரஜினியும் சம்மதம் தெரிவித்துள்ளதாக சொல்லப்படுகிறது.
