பாலிவுட்டின் முன்னணி இயக்குனரும் உலக திரைப்பட விழாக்களில் இந்திய சினிமாவின் முகமாகவும் இருப்பவர் அனுராக் காஷ்யப். அவர் இயக்கிய கேங்ஸ் ஆஃப் வாசேபூர், தேவ் டி உள்ளிட்ட படங்கள் பெரியளவில் கவனம் பெற்ற படைப்புகளாக அமைந்தன.
சமீபகாலமாக அவரின் படங்கள் பெரிய அளவில் வெற்றி பெறுவதில்லை. அதனால் இப்போது அவர் நடிப்பிலும் கவனம் செலுத்தி வருகிறார். சமீபத்தில் அவர் தமிழில் விஜய்யின் லியோ படத்தில் ஒரு கௌரவ வேடத்தில் நடித்திருந்தார். விரைவில் வெளியாக இருக்கும் விஜய் சேதுபதியின் மகாராஜா திரைப்படத்திலும் நடித்துள்ளார்.
இந்நிலையில் அவர் இயக்கத்தில் வெளியாகி மிகப்பெரிய வெற்றி பெற்ற ‘கேங்ஸ் ஆஃப் வாசேபூர்’ திரைப்படம் அடுத்த மாதத்தில் ரி ரிலீஸ் ஆகவுள்ளது. இதோடு தும்பாட் திரைப்படமும் அடுத்த மாதத்தில் ரி ரிலீஸ் ஆகவுள்ளது குறிப்பிடத்தக்கது.
