லோகேஷ் கனகராஜ் இயக்கத்தில் கமல்ஹாசன், விஜய்சேதுபதி மற்றும் பஹக் பாசில் ஆகியோர் நடித்துள்ள படம் விக்ரம், இந்த படத்தில் சூர்யா ஒரு முக்கிய தோற்றத்தில் சில நிமிடங்கள் நடித்துள்ளார். அனிருத் இசையமைத்துள்ள விக்ரம் திரைப்படம் ஜூன் 3 ஆம் தேதி இந்த படம் வெளியான நிலையில் ரசிகர்களிடையே நல்ல பாசிட்டிவான விமர்சனங்கள் கிடைத்து வருகிறது. இதுவரை தமிழ் படங்கள் படைத்த பல வசூல் சாதனைகளை இந்த திரைப்படம் முறியடித்துள்ளது. கிட்டத்தட்ட திரையரங்குகள் மூலமாக 450 கோடிக்கும் மேல் வசூல் செய்யும் என தகவல்கள் வெளியாகின்றன.
விக்ரம் படத்தின் இந்த பிரம்மாண்ட வெற்றிக்கு அனிருத்தின் பின்னணி இசை மற்றும் பாடல்கள் ஆகியவையும் முக்கியமான காரணம் என்றால் அது மிகையாகாது. இந்நிலையில் இசையமைப்பாளர் அனிருத் படத்தில் பாடல்களை எழுதிய விஷ்னு எடாவனைப் பாராட்டி டிவீட் செய்துள்ளார். விஷ்ணு விக்ரம் படத்தில் லோகேஷின் உதவியாளராகவும் பணியாற்றியவர் என்பது குறிப்பிடத்தக்கது.
