மைக்கேல் மதனகாமராஜன் படத்தில் சிறுவேடத்தில் நடித்ததன் மூலம் தமிழ் சினிமாவில் நடிகராக அறிமுகமானார் நடிகர் பொன்னம்பலம். அதற்கு முன்பே பல படங்களில் அவர் ஸ்டண்ட் நடிகராக பணிபுரிந்திருக்கிறார். அதன் பின் பல படங்களில் நடித்த பொன்னம்பலம் ஒரு கட்டத்தில் தமிழ் சினிமாவின் தவிர்க்க முடியாத வில்லன் நடிகராக வலம் வந்தார். ஒரு கட்டத்தில் வாய்ப்புகள் குறையவே நகைச்சுவை நடிகராக பல படங்களில் நடித்தார். இதற்கிடையில் அரசியலில் ஈடுபட்ட அவர் தமிழக பாஜகவில் இணைந்தார்.
இந்நிலையில் இப்போது உடல்நலம் தேறி வந்துள்ள பொன்னம்பலம் ஒரு இணையதளத்துக்கு அளித்துள்ள பேட்டியில் ‘நான் நிறைய படங்களில் நடித்து நிறைய சம்பாதித்தேன். ஆனால் எதையும் சேர்த்து வைத்துக்கொள்ளவில்லை. இப்போது சிகிச்சைக்குப் பணம் இல்லாமல் கஷ்டப்படுகிறேன். சரத்குமார் மற்றும் கமல் ஆகியவர்கள் உதவி செய்துள்ளனர். அதே போல என்னுடன் நடித்த முன்னணி நடிகர்கள் உதவினால் நன்றாக இருக்கும். சிகிச்சைக்குப் பணம் இல்லாமல் 20 முறைக்கு மேல் தற்கொலை முயற்சி மேற்கொண்டேன். நான் உறுப்பினராக இருக்கும் ஸ்டண்ட் நடிகர்கள் சங்கம் எனக்கு எந்த உதவியையும் செய்யவில்லை.’ என உருக்கமாக பேசியுள்ளார்.
