கவிஞர் சுகுமாரன், இது சிலைகளின் காலம் என்ற பெயரில் அரசியல் கவிதை எழுதியிருக்கிறார். தமிழ் சினிமாவைப் பொறுத்தவரை இது பேய்களின் காலம். பூஜை போடுகிற எட்டு படங்களில் நான்கு பேய் படங்களாக இருக்கிறது. இந்த வரிசையில் அடுத்த அதிரடி, மூச்.
பாரதிராஜாவிடம் இணை இயக்குனராக பணிபுரிந்த வினுபாரதி இந்தப் படத்தின் மூலம் இயக்குனராகிறார். இதில் நாயகனாக நடிப்பது நிதின். நாயகி நிஷா கோஷல். அபி, பியா என்ற இரு குழந்தைகளுக்கு படத்தில் பிரதான கதாபாத்திரம். இந்த குழந்தைகளுக்குதான் ஒரு மானுடத் தாயும், ஒரு மறுபிறவி பேயும் சொந்தம் கொண்டாடுகிறார்கள்.