இதையடுத்து அஸ்வின் தான் செய்தது ஒன்றும் விதிமுறைகளுக்கு அப்பாற்பட்டதல்ல என விளக்கம் அளித்துள்ளார். ஆனாலும் அதை ரசிகர்கள் மற்றும் விமர்சகர்கள் ஏற்றுக்கொள்வதாயில்லை. அஸ்வின் கிரிக்கெட்டின் ஸ்பிரிட்டை மதிக்கவில்லை எனக் குற்றம்சாட்டி வருகின்றனர். பெரிய அளவில் விவாதிக்கப்பட்டு வரும் இந்த விவகாரம் குறித்து ஐபிஎல் சேர்மன் ராஜீவ் சுக்லா விளக்கமளித்துள்ளார்.
இது சம்மந்தமாக அவர் ‘ இந்த மன்கட் முறை குறித்து சில ஆண்டுகளுக்கு முன்னர் நடந்த ஐபிஎல் அணிகளின் கூட்டத்தில் விவாதிக்கப்பட்டது. அப்போது தோனி மற்றும் கோஹ்லி உள்ளிட்ட சில கேப்டன்கள் இந்த முறைக்கு எதிர்ப்பு தெரிவித்தனர். அதனால் கூட்டத்தின் முடிவில் இந்த முறையைப் பயன்படுத்தக்கூடாது என தார்மீக முடிவு எடுக்கப்பட்டது. ’ எனக் கூறியுள்ளார். இதனால் இப்போது ஐபிஎல்-ல் இருந்து மன்கட் முறை நீக்கப்படுமா என்ற கேள்வி எழுந்துள்ளது.
