இந்திய கிரிக்கெட் அணியின் கேப்டன் விராத் கோலியின் மனைவியும், பிரபல பாலிவுட் பாலிவுட் அனுஷ்கா சர்மா கடந்த சில மாதங்களாக கர்ப்பமாக இருந்தார் என்பதும் அவருக்கு ஜனவரி மாதத்தில் குழந்தை பிறக்கும் என மருத்துவர்கள் தெரிவித்து இருந்தார்கள் என்பதும் தெரிந்ததே.
இந்த நிலையில் நேற்று அனுஷ்கா சர்மாவுக்கு அழகிய பெண் குழந்தை பிறந்துள்ளதாகவும் தாயும் சேயும் நலம் என்றும் விராட் கோலி தனது இன்ஸ்டாகிராம் பக்கத்தில் தெரிவித்துள்ளார். இதனால் ரசிகர்கள் மகிழ்ச்சி அடைந்தனர். இந்நிலையில் விராட் கோஹ்லியின் சகோதரர் விகாஸ் கொஹ்லி ‘வீட்டுக்கு தேவதை வந்துள்ளார்’ எனக் கூறி ஒரு புகிப்படத்தை வெளியிட்டு இருந்தார். அந்த குழந்தைதான் விராட் கோலியின் குழந்தையின் புகைப்படம் என்று ரசிகர்கள் நினைத்து அதைப் பகிர ஆரம்பித்தனர். ஆனால் அதை மறுத்த விகாஸ் பெண் குழந்தை பிறந்துள்ளதை குறிப்பிடும் விதமாக இணையத்தில் இருந்து அந்த புகைப்படத்தை பகிர்ந்ததாகவும், அந்த புகைப்படத்தில் இருப்பது விராட் அனுஷ்கா தம்பதியின் குழந்தை இல்லை என்றும் தெளிவுபடுத்தினார்.
