உலகிலேயே மிகச் சிறந்த சுழற்பந்து வீச்சாளர்களில் ஒருவரான ஷேன் வார்னே(52) சமீபத்தில் தாய்லாந்து சென்றதாகவும் அங்கு அவருக்கு திடீரென மாரடைப்பு ஏற்பட்டதாகவும் கூறப்படுகிறது. இதனையடுத்து அவர் மருத்துவமனையில் அனுமதிக்கப்பட்ட நிலையில் சிகிச்சைப் பலனின்றி உயிரிழந்துள்ளார். அவரது மறைவு உலகம் முழுவதும் உள்ள கிரிக்கெட் ரசிகர்களை அதிர்ச்சியிலும் சோகத்திலும் ஆழ்த்தியுள்ளது.
இந்நிலையில் ஆறு நாட்களாக தாய்லாந்தில் வைக்கப்பட்டு ஷேன் வார்னின் உடல் இன்று ஆஸ்திரேலியாவுக்கு தன் விமானம் மூலமாக ஆஸ்திரேலியாவுக்கு எடுத்து செல்லப்பட்டுள்ளது. அங்கு அடுத்த வாரம் குடும்பத்தினர் மற்றும் நண்பர்களுக்கான அஞ்சலி நிகழ்வும், பொது நினைவஞ்சலி வரும் 30 ஆம் தேதி மெல்போர்ன் கிரிக்கெட் மைதானத்தில் நடக்கும் என்றும் அறிவிக்கப்பட்டுள்ளது.
