இந்திய அணி இந்த போட்டியில் எப்படியாவது வெற்றி பெற வேண்டும் என்பதில் குறிக்கோளாக இருந்தது. தோனி தலைமையிலான இந்திய அணி அனைத்து நாடுகளையும் வெற்றி கொண்டு இறுதி போட்டியில் வந்து நின்றது பாகிஸ்தானிடம்! பாகிஸ்தான் vs இந்தியா போட்டி என்றால் சொல்லவும் வேண்டுமா? கடுமையான இறுதி போட்டியை உலகமே ஆரவாரத்துடன் பார்த்தது.
முதலில் பேட்டிங்கில் இறங்கிய இந்தியா 20 ஓவர்கள் முடியும் வரை நின்று விளையாடி 157 ரன்களை பெற்றது. இரண்டாவதாக களம் இறங்கிய பாகிஸ்தானை தனது அபாரமான பந்துவீச்சால் 152 ரன்களில் விக்கெட்டை மொத்தமாக காலி செய்து வெற்றியை கைப்பற்றியது இந்தியா. மேன் ஆஃப் தி மேட்ச் இர்ஃபான் பதானுக்கு கிடைத்தது. உலகமே இந்தியாவை அதிசயித்து பார்த்த தருணங்களில் உலக கோப்பை டி20யும் ஒன்று!
கிட்டத்தட்ட 12 ஆண்டுகள் முடிந்துவிட்ட நிலையில் அதை சிறப்பிக்கும் வகையில் இந்திய கிரிக்கெட் வீரர்களும், ஐசிசி அமைப்பும் கோப்பை வென்ற புகைப்படத்தை ட்விட்டரில் பதிவிட்டுள்ளனர். அதை ரசிகர்களும் #INDvPAK என்ற பெயரில் ட்விட்டரில் ட்ரெண்ட் செய்து வருகின்றனர்.
