சேப்பாக்கம் மைதானம் சுழற்பந்துக்கு சாதகமானது என்பதும், அந்த மைதானத்தில் சுழற்பந்துகளை எப்படி பயன்படுத்த வேண்டும் என்பதும் தனக்கு அத்துபிடி என்றும், இந்த விஷயத்தில் அஸ்வின் தமிழகத்தை சேர்ந்தவராக இருந்தாலும் அவரைவிட சிறப்பாக செயல்படுவேன் என்றும் ஹர்பஜன்சிங் தனது டுவிட்டரில் தெரிவித்துள்ளார்.
சென்னை சூப்பர்கிங்ஸ் அணியில் இடம்பெற்றிருக்கும் ஹர்பஜன்சிங், தமிழ் கிரிக்கெட் ரசிகர்களை கவர அவ்வப்போது தமிழில் டுவீட் போட்டு வருகிறார். இருப்பினும் அஸ்வினை ஒப்பிட்டு, அவரை விட தான் அதிக திறமையானவர் என்று ஹர்பஜன் கூறியதை தமிழக ரசிகர்கள் ரசிக்கவில்லை என்பது ஹர்பஜனின் டுவீட்டுக்கு வந்த கமெண்டுகளில் இருந்து தெரியவருகிறது
