தோல்வி குறித்து பஞ்சாப் அணியின் கேப்டன் அஸ்வின் விளக்கம் அளித்துள்ளார். அதில் ‘இந்தாண்டு பவர்பிளே ஓவர்களில்தான் நாங்கள் தோற்று விட்டோம். பேட்டிங் மற்றும் பவுலிங் இரண்டிலும். ராகுலும் கெயிலும் கடந்த ஆண்டைப் போல சிறப்பாக பவர்பிளேயில் விளையாடவில்லை. நாங்கள் ஆதிக்கம் செலுத்தியது கூட மிடில் ஓவர்கள் மற்றும் டெத் ஓவர்களில்தான். மொத்தமாக நாங்கள் பவர்பிளேயில் சொதப்பிவிட்டோம்.
அதுமட்டுமில்லாமல் சில வீரர்கள் காயமடைந்ததும் எங்களுக்கு மிகப்பெரிய இழப்பாக அமைந்தது. சாம் கரண் சிறப்பாக பேடிங் மற்றும் பவுலிங்கில் செயல்பட்டார். நாங்கள் அடுத்த ஆண்டு எங்கள் குறைகளை சரிசெய்து கொண்டு வருவோம். வீரர்கள் அதிகளவில் பாடம் கற்றுக்கொண்டு வருவோம். கடைசி போட்டியை முடிக்க சிறப்பாக செயல்படுவோம்’ எனக் கூறியுள்ளார்.
